İntizam icraatı proseduru
Hakimlər barəsində intizam icraatının başlanılmasına dair müraciət üçün səbəblər
- fiziki və hüquqi şəxslərin şikayətləri
- mediada dərc olunmuş məlumatlar
- işlərə apellyasiya və ya kassasiya instansiyası məhkəmələrində baxılarkən aşkar edilmiş qanun pozuntuları və hakimlər haqqında bu məhkəmələrin çıxardığı xüsusi qərarlar
- İnsan hüquqları üzrə Avropa Məhkəməsinin və Azərbaycan Respublikasının Konstitusiya Məhkəməsinin qərarlarında əks etdirilmiş qanun pozuntuları
- hakimlərin fəaliyyətinin qiymətləndirilməsi zamanı və məhkəmə təcrübəsinin ümumiləşdirilməsi nəticəsində aşkara çıxan qanun pozuntuları
- intizam icraatının başlanılması barədə müraciət hüququ olan şəxslərin əldə etdikləri digər məlumatlar
Hakimlərin intizam məsuliyyətinə cəlb edilməsinin əsasları
- işlərə baxarkən qanunvericiliyin tələblərini dəfələrlə və ya kobudcasına pozması
- hakim etikasını pozması
- əmək və icra intizamı haqqında qanunvericiliyin tələblərini pozması
- ”Korrupsiyaya qarşı mübarizə haqqında” Azərbaycan Respublikası Qanununun 5.1-ci maddəsi ilə müəyyən edilmiş maliyyə xarakterli tələblərə əməl etməməsi
- ”Korrupsiyaya qarşı mübarizə haqqında” Azərbaycan Respublikası Qanununun 9-cu maddəsində göstərilən hüquqpozmaları törətməsi
- hakim adına ləkə gətirən hərəkətə yol verməsi
İntizam icraatının başlanılması
Müraciət etmək hüququ olan subyektlər
1. Ali Məhkəmənin sədri
2. Naxçıvan MR Ali Məhkəməsinin Sədri
3. Apellyasiya məhkəmələrinin sədrləri
4. Fiziki və Hüquqi şəxslər
Məhkəmə–Hüquq Şurası
Məhkəmə–Hüquq Şurası daxil olmuş müraciətə 3 ay müddətində baxır və intizam icraatının başlanılması və ya belə icraatın başlanması barədə müraciətin təmin edilməməsi haqqında qərar qəbul edir
Məhkəmə–Hüquq Şurası intizam icraatının başlandığı gündən 3 ay müddətinə məsələni bir qayda olaraq hakimin iştirakı ilə araşdırır və qərar qəbul edir. Hakim üzrlü səbəblərdən intizam icraatında iştirak edə bilmədikdə və ya icraat üzrə əlavə araşdırma tələb olunduqda bu müddət Məhkəmə–Hüquq Şurasın qərar ilə uzadılır.
“Məhkəmələr və hakimlər haqqında” Qanunun 112-ci maddəsinə uyğun qərar qəbul olunur
1. Hakimə irad tutulur
2. Hakimə töhmət verilir
3. Hakimin vəzifədən aşağı salınması barədə Azərbaycan Respublikasının Prezidentinə təklif verilir
4. Hakimin iş yerinin dəyişdirilməsi barədə Azərbaycan Respublikasının Prezidentinə təklif verilir
5. Hakimin səlahiyyətlərinə xitam verilməsi barədə Azərbaycan Respublikasının Prezidentinə təklif verilir