Əsas səhifə Saytın xəritəsi E-müraciət Qəbul Axtarış Əlaqə Linklər

    
        www.heydar-aliyev.org

    
               www.president.az

    
             www.azerbaijan.az

    
             www.courts.gov.az

    
        www.constcourt.gov.az

    
   www.supremecourt.gov.az

    
             www.justice.gov.az

    
                www.e-qanun.az


  Yeni:  
AVROPA PARLAMENTİNİN NÜMAYƏNDƏLƏRİ İLƏ GÖRÜŞ

İyunun 3-də ədliyyə naziri, Məhkəmə-Hüquq Şurasının sədri Fikrət Məmmədov ölkəmizdə səfərdə olan Avropa Parlamentində liberal-demokratlardan ibarət fraksiya - ALDE qrupun vitse-sədri, "Şərq Tərəfdaşlığı" Proqramının Azərbaycan üzrə məruzəçisi Norika Nikolai və Avropa Parlamentinin üzvü İveta Qriqule ilə görüşüb.

Görüşdə Azərbaycanın Avropa strukturları ilə qərəzsiz əməkdaşlığa açıq olduğu vurğulanıb, ölkəmizdə həyata keçirilən islahatlar, o cümlədən məhkəmə hakimiyyətinin müstəqilliyinin möhkəmləndirilməsi üzrə görülən tədbirlər, hakimlərin Avropa İttifaqı və Avropa Şurası tərəfindən örnək kimi dəyərləndirilən şəffaf seçimi, məhkəmə infrastrukturunun müasirləşdirilməsi üzrə əldə olunan nailiyyətlər barədə məlumat verilib.¬

Avropa Parlamentinin nümayəndələri ölkəmizlə əlaqələrin yaxşılaşdırılması ilə bağlı niyyətini ifadə edib, Azərbaycanda həyata keçirilən islahatlar barədə məlumatlı olduqlarını söyləyib, Avropa məkanında məhkəmə fəaliyyətində mövcud problemlərə toxunaraq Azərbaycanın bu sahədə məqsədyönlü tədbirlərini təqdir edib.

Söhbət zamanı əməkdaşlığın prioritetləri və digər məsələlər ətrafında faydalı fikir mübadiləsi aparılıb, maraq doğuran suallara aydınlıq gətirilib.

Qonaqlar nazirlikdə Ədliyyə tarixi muzeyi ilə tanış olublar.

Çap et

03.06.2016
 





© 2005-2010, Azərbaycan Respublikası Məhkəmə-Hüquq Şurası
Ünvan: Bakı şəhəri, Z. Xəlilov küç., 540-cı məhəllə, AZ1073, Azərbaycan
Telefon: (00994 12) 510-21-62 (Faks)
www.jlc.gov.az