Əsas səhifə Saytın xəritəsi E-müraciət Qəbul Axtarış Əlaqə Linklər

    
        www.heydar-aliyev.org

    
               www.president.az

    
             www.azerbaijan.az

    
             www.courts.gov.az

    
        www.constcourt.gov.az

    
   www.supremecourt.gov.az

    
             www.justice.gov.az

    
                www.e-qanun.az


  Yeni:  
BEYNƏLXALQ PROKURORLAR ASSOSİASİYASI İLƏ SƏMƏRƏLİ ƏMƏKDAŞLIQ EDİLİR

Respublikamız nüfuzlu beynəlxalq təşkilatlarla, o cümlədən 100-dən çox dövləti birləşdirən Beynəlxalq Prokurorlar Assosiasiyası (BPA) ilə səmərəli əməkdaşlıq edərək, təşkilatın rəhbər orqanları olan İcraiyyə Komitəsində və Senatında təmsil olunur.

Aprelin 26-da ədliyyə naziri, Məhkəmə-Hüquq Şurasının sədri Assosiasiyanın senatoru və fəxri üzvü Fikrət Məmmədov ölkəmizdə səfərdə olan BPA-nın icraçı direktoru xanım Yanne Holst Hübner və Assosiasiyanın yeni baş müşaviri Rasmus Vandal ilə görüşüb.

Ölkəmizin Assosiasiya ilə sıx əməkdaşlığını vurğulayan nazir BPA-nın ədalət mühakiməsinin səmərəli həyata keçirilməsində və cinayətkarlıqla mübarizə üzrə dünya prokurorlarının səylərinin birləşdirilməsində mühüm rolunu vurğulayıb, Assosiasiyanın Azərbaycana marağının artmasının təzahürü kimi qurumun bütün rəhbər şəxslərinin respublikamıza səfərlərini qeyd edib.

Nazir həmçinin dövlət başçısı cənab İlham Əliyevin rəhbərliyi ilə ədliyyə və prokurorluq orqanlarının, məhkəmə sisteminin təkmilləşdirilməsi, infrastrukturun müasirləşdirilməsi, habelə korrupsiyanın qarşısının alınması üzrə aparılan genişmiqyaslı tədbirlər barədə məlumat verib.
br>


Qonaqlar ölkəmizə səfərindən məmnunluğunu ifadə edərək respublikamızın dinamik inkişafını təqdir edib, Azərbaycanın BPA ilə uğurlu əməkdaşlığını, uzun illər Assosiasiyanın işinə verdiyi dəyərli töhfələri, təşəbbüskarlığını və dəstəyini qeyd edib, fəal təmsilçiliyini vurğulayıblar. Nümayəndə heyəti Assosiasiyanın fəaliyyəti və gələcək inkişaf perspektivləri barədə məlumat verərək qurumun əsas prioritetlərindən olan cinayətkarlığın bir sıra növlərinə qarşı dünya prokurorlarını birləşdirən xüsusi internet şəbəkələrinin aparılması qeyd edib, korrupsiyaya qarşı belə bir şəbəkənin Azərbaycan tərəfindən aparılmasına görə minnətdarlığını bildirib.

Görüşdə ikitərəfli əlaqələrin daha da inkişaf edəcəyinə əminlik ifadə olunub, maraq kəsb edən məsələlər ətrafında faydalı fikir mübadiləsi aparılıb.

Tədbirdə Assosiasiyanın İcraiyyə Komitəsinin Azərbaycandan olan üzvü, Baş prokurorun müavini, Korrupsiyaya qarşı mübarizə baş idarəsinin rəisi Kamran Əliyev iştirak edib.

Qonaqlar nazirlikdə Ədliyyə tarixi muzeyi ilə tanış olublar.

Çap et

26.04.2016
 





© 2005-2010, Azərbaycan Respublikası Məhkəmə-Hüquq Şurası
Ünvan: Bakı şəhəri, Z. Xəlilov küç., 540-cı məhəllə, AZ1073, Azərbaycan
Telefon: (00994 12) 510-21-62 (Faks)
www.jlc.gov.az