Əsas səhifə Saytın xəritəsi E-müraciət Qəbul Axtarış Əlaqə Linklər

    
        www.heydar-aliyev.org

    
               www.president.az

    
             www.azerbaijan.az

    
             www.courts.gov.az

    
        www.constcourt.gov.az

    
   www.supremecourt.gov.az

    
             www.justice.gov.az

    
                www.e-qanun.az


  Yeni:  
İSRAİL AZƏRBAYCANLA ƏMƏKDAŞLIĞIN İNKİŞAFINA BÖYÜK ÖNƏM VERİR

Ədliyyə naziri, Məhkəmə-Hüquq Şurasının sədri Fikrət Məmmədov İsrailin ölkəmizdəki fövqəladə və səlahiyyətli səfiri Rafael Harpaz ilə görüşmüşdür.

Azərbaycan ilə İsrail arasında dostluq və səmərəli əməkdaşlıq münasibətlərini qeyd edən nazir ölkə Prezidenti cənab İlham Əliyevin rəhbərliyi ilə aparılan genişmiqyaslı ədliyyə və məhkəmə islahatlarına toxunaraq əldə olunmuş nailiyyətləri, o cümlədən hakimlərin Avropada örnək kimi dəyərləndirilən seçimini, məhkəmə infrastrukturunun müasir-ləşdirilməsini vurğulamışdır.

Ölkələrimiz və xalqlarımız arasında yaxşı münasibətlərin olduğunu söyləyən səfir İsrail dövlətinin Azərbaycanla hərtərəfli əməkdaşlığa xüsusi önəm verdiyini vurğulamış, Prezident Şimon Peresin xalqımızın ümummilli lideri Heydər Əliyev ilə dostluq münasibətlərini xatırladaraq bu əlaqələrin dövlət başçısı İlham Əliyev ilə uğurla davam etdirildiyini bildirmişdir. Qonaq əlaqələrimizin müxtəlif sahələrdə inkişafını qeyd etmiş, respublikamızın müstəqillik illərində qazandığı nailiyyətləri yüksək qiymətləndirmiş, tolerantlıq baxımından Azərbaycanın digər dövlətlər üçün model olduğunu demişdir. R.Harpaz ölkəsinin Azərbaycanın ərazi bütövlüyünü tanıdığını və Ermənistan-Azərbaycan Dağlıq Qarabağ münaqişəsinin sülh yolu ilə həllinin tərəfdarı olduğunu vurğulamış, məcburi köçkünlərin şəraiti ilə yerindəcə tanış olduğunu bildirmişdir.

Səfir iki ölkə arasında hüquqi əlaqələrin genişləndirilməsində marağını ifadə edərək, bunun üçün dəstək verməyə hazır olduğunu söyləmiş, bir sıra təkliflər irəli sürmüşdür.

Görüşdə əməkdaşlıq məsələləri, o cümlədən hakimlərin və digər hüquqşünasların peşəkarlığının artırılması və təcrübə mübadiləsi məqsədilə beynəlxalq seminarlarda iştirakı, habelə hüquqi yardım və digər maraq kəsb edən məsələlər müzakirə olunmuşdur.

Qonaq nazirlikdə Ədliyyə tarixi muzeyi ilə tanış olmuşdur.

Çap et

20.06.2013
 





© 2005-2010, Azərbaycan Respublikası Məhkəmə-Hüquq Şurası
Ünvan: Bakı şəhəri, Z. Xəlilov küç., 540-cı məhəllə, AZ1073, Azərbaycan
Telefon: (00994 12) 510-21-62 (Faks)
www.jlc.gov.az