Əsas səhifə Saytın xəritəsi E-müraciət Qəbul Axtarış Əlaqə Linklər

    
        www.heydar-aliyev.org

    
               www.president.az

    
             www.azerbaijan.az

    
             www.courts.gov.az

    
        www.constcourt.gov.az

    
   www.supremecourt.gov.az

    
             www.justice.gov.az

    
                www.e-qanun.az


  Yeni:  
AZƏRBAYCAN VƏ BELARUS ARASINDA MƏHKƏMƏ EKSPERTİZASI SAHƏSİNDƏ ƏMƏKDAŞLIQ HAQQINDA SAZİŞ CİNAYƏTKARLIĞA QARŞI MÜBARİZƏNİN MÖHKƏMLƏNDİRİLMƏSİNƏ MÜHÜM TÖHFƏ OLACAQDIR

Ölkəmiz tərəfindən Avropa dövlətləri, o cümlədən Belarus ilə hüquqi sahədə əməkdaşlığın inkişafına mühüm önəm verilir. 1999-cu ildə iki ölkənin Ədliyyə nazirlikləri arasında imzalanmış Əməkdaşlıq haqqında Saziş qarşılıqlı fəaliyyətin genişləndirilməsinə mühüm töhfə olmuşdur.

Əməkdaşlığın davamı olaraq Azərbaycan və Belarus Ədliyyə nazirliklərinin məhkəmə ekspertizası fəaliyyətini həyata keçirən qurumları arasında əlaqələrin dərinləşdirilməsi məqsədilə hər iki tərəf böyük maraq göstərmiş və bu sahədə əməkdaşlığa dair Sazişin qəbul olunması qərara alınmışdır. Bununla əlaqədar sənədin layihəsi razılaşdırılmış və ölkə Prezidenti cənab İlham Əliyevin Belarusa rəsmi səfəri zamanı "Azərbaycan Respublikasının Ədliyyə Nazirliyi və Belarus Respublikasının Ədliyyə Nazirliyi arasında məhkəmə ekspertizası sahəsində əməkdaşlıq haqqında Saziş imzalanmışdır. Sazişi Azərbaycan tərəfdən ədliyyə naziri Fikrət Məmmədov və Belarus tərəfdən Oleq Slijevski imzalamışlar.

Həmin saziş məhkəmə ekspertizası sahəsində aktual problemlər üzrə müştərək elmi işlərin aparılmasını, mövcud tədqiqat metodlarının təkmilləşdirilməsini və yenilərinin yaradılmasını, ekspert praktikasında təcrübə mübadiləsinin təşkilini, birgə elmi-praktik tədbirlərin hazırlanıb keçirilməsini və s. nəzərdə tutur.

Məhkəmə ekspertizası sahəsində əməkdaşlığın keyfiyyətcə yeni, qarşılıqlı əlverişli olan səviyyəyə yüksəlməsinə xidmət edən Saziş iki ölkə arasında dostluq və əməkdaşlıq münasibətlərini, o cümlədən hüquqi əlaqələrini daha da zənginləşdirməklə məhkəmə ekspertizası və kriminalistikanın müasir metodlarından və vasitələrindən fəal istifadə etmək yolu ilə cinayətkarlığa qarşı mübarizənin möhkəmləndirilməsinə mühüm töhfə olacaqdır.

Eyni zamanda, səfər çərçivəsində Azərbaycan və Belarus ədliyyə nazirləri arasında işgüzar görüş keçirilmiş, əməkdaşlıq perspektivləri müzakirə olunmuş, ədliyyə sahəsində fikir və təcrübə mübadiləsi aparılmış, ölkəmizdə həyata keçirilən məhkəmə-hüquq islahatlarına böyük maraq göstərilmişdir.

Çap et

30.08.2012
 





© 2005-2010, Azərbaycan Respublikası Məhkəmə-Hüquq Şurası
Ünvan: Bakı şəhəri, Z. Xəlilov küç., 540-cı məhəllə, AZ1073, Azərbaycan
Telefon: (00994 12) 510-21-62 (Faks)
www.jlc.gov.az