Əsas səhifə Saytın xəritəsi E-müraciət Qəbul Axtarış Əlaqə Linklər

    
        www.heydar-aliyev.org

    
               www.president.az

    
             www.azerbaijan.az

    
             www.courts.gov.az

    
        www.constcourt.gov.az

    
   www.supremecourt.gov.az

    
             www.justice.gov.az

    
                www.e-qanun.az


  Yeni:  
BAKIDA İNSAN HÜQUQLARI ÜZRƏ AVROPA KONVENSİYASININ TƏTBİQİ MƏSƏLƏLƏRİ MÖVZUSUNDA SEMİNAR KEÇİRİLİR

İyulun 8-də Bakıda “Avropa” hotelində İnsan Hüquqları üzrə Avropa Konvensiyasının tətbiqi məsələləri mövzusunda Avropa Məhkəməsi hakimlərinin iştirakı ilə hakimlər üçün seminar işə başlamışdır.

Məhkəmə-Hüquq Şurası tərəfindən Avropa Şurası ilə birgə keçirilən tədbirdə İnsan Hüquqları üzrə Avropa Konvensiyasının və Avropa Məhkəməsinin presedentlərinin məhkəmə fəaliyyətində tətbiqinin əhəmiyyəti qeyd edilmiş, bu sahədə Avropa Məhkəməsinin hakimləri ilə birbaşa təmasların səmərəsi bildirilmişdir.

Seminarda Avropa Məhkəməsinin hakimləri Lopez Querra “Avropa Məhkəməsinin tərkibi və işlərə baxılma qaydası”, “Ədalətli məhkəmə baxışı hüququ”, Xanlar Hacıyev “Şəxsi və ailə həyatına hörmət hüququ” mövzularında çıxışlar etmiş, Azərbaycanla bağlı baxılan işlərin ümumi müzakirəsi keçirilmişdir.

Seminarda Avropa Şurasının eksperti doktor Başak Çalının Avropa Məhkəməsinin fəaliyyəti ilə bağlı müxtəlif aktual məsələlər üzrə çıxışları dinlənilmiş, səmərəli fikir mübadiləsi aparılmışdır.

Məhkəmə-Hüquq Şurasının, Ədliyyə Nazirliyinin, Konstitusiya Məhkəməsinin məsul əməkdaşlarının, Ali, Apelyasiya və Birinci instansiya məhkəmələri hakimlərinin iştirakı ilə keçirilən seminar öz işini iyulun 9-da başa çatdıracaqdır.
AzərTAc

Çap et

08.07.2011
 





© 2005-2010, Azərbaycan Respublikası Məhkəmə-Hüquq Şurası
Ünvan: Bakı şəhəri, Z. Xəlilov küç., 540-cı məhəllə, AZ1073, Azərbaycan
Telefon: (00994 12) 510-21-62 (Faks)
www.jlc.gov.az