Əsas səhifə Saytın xəritəsi E-müraciət Qəbul Axtarış Əlaqə Linklər

    
        www.heydar-aliyev.org

    
               www.president.az

    
             www.azerbaijan.az

    
             www.courts.gov.az

    
        www.constcourt.gov.az

    
   www.supremecourt.gov.az

    
             www.justice.gov.az

    
                www.e-qanun.az


  Yeni:  
MƏHKƏMƏ-HÜQUQ ŞURASININ SƏDRİ İLƏ GÖRÜŞ

Məhkəmə-Hüquq Şurasının sədri, ədliyyə naziri Fikrət Məmmədov fevralın 3-də Latviya ətraf mühitin mühafizəsi və regional inkişaf naziri Raymonds Veyonisin rəhbərlik etdiyi nümayəndə heyəti ilə görüşmüşdür.

Azərbaycan və Latviya arasında dostluq və əməkdaşlıq münasibətlərinin dinamik inkişafını bildirən nazir ölkə başçılarının qarşılıqlı səfərlərini və geniş müqavilə hüquq bazasının mövcudluğunu, Azərbaycanda sürətli iqtisadi artımı, demokratik hüquqi dövlət quruculuğunda əldə olunan nəticələri, yerli özünüidarənin inkişafı üzrə görülən işləri, iki ölkənin bələdiyyə assosiasiyaları arasında səmərəli əlaqələri vurğulamışdır.

Latviyalı nazir oxşar tarixi olan ölkələrimiz arasında ikitərəfli əlaqələrin dərinləşdirilməsi üçün geniş imkanların olduğunu vurğulamış, Latviya Bələdiyyələr İttifaqı ilə Azərbaycan Bələdiyyələrinin Milli Assosiasiyaları arasında əməkdaşlığı yüksək qiymətləndirmiş, rast gəlinən problemlərin həlli üzrə qarşılıqlı təcrübə mübadiləsinin faydasını qeyd etmişdir.

Söhbət zamanı qonaqların diqqəti Ermənistan tərəfindən torpaqlarımızın 20%-nin işğalı, bir milyon soydaşımızın qaçqın və məcburi köçkün vəziyyətinə düşməsi faktına cəlb edilmişdir. Görüşdə bələdiyyələrin fəaliyyətinə inzibati nəzarətin həyata keçirilməsi, bu işdə regional ədliyyə şöbələrinin rolu, habelə ədliyyə və məhkəmə islahatları və digər qarşılıqlı maraq doğuran məsələlərə dair səmərəli fikir mübadiləsi aparılmış, əlaqələrin keyfiyyətcə yeni mərhələyə yüksəlməsinə xidmət edən mühüm təkliflər irəli sürülmüşdür.

Qonaqlar nazirlikdə Heydər Əliyev və Ədliyyə tarixi muzeyləri ilə tanış olmuşlar.

Çap et

04.02.2011
 





© 2005-2010, Azərbaycan Respublikası Məhkəmə-Hüquq Şurası
Ünvan: Bakı şəhəri, Z. Xəlilov küç., 540-cı məhəllə, AZ1073, Azərbaycan
Telefon: (00994 12) 510-21-62 (Faks)
www.jlc.gov.az